Çdo manaferrë ka në vetvete 80 – 100 kokrra të vogla të sistemuara në formë rrethore.
Manaferrat kanë një shije të ëmbël dhe pak të thartë që i bën ato perfekte për t’u kombinuar me sallatat apo lëngjet e plota të frutave.
Ato mund të konsumohen me fruta, salca apo edhe me produktet e mishit.
Manaferrat mund të shijohen edhe veçmas (pa e tepruar) ose me ëmbëlsira.
Manaferra mund të ruhet shumë lehtë
Mjafton ta lani dhe ta ruani në një enë qelqi hermetike në frigorifer.
Në këtë mënyrë ajo do të zgjasë për disa muaj me radhë.
Vlerat ushqyese të manaferrave
Manaferrat plot lëng janë një nga frutat më popullore të verës.
Kur kanë një ngjyrë të errët kjo tregon se manaferrat kanë në përmbajtjen e tyre shumë antioksidantë.
Kjo substancë ndihmon për të mposhtur plakjen, tumoret dhe sëmundje të tjera.
Ky frut nuk ka asgjë mangut sa i përket vlerave shëndetësore.
Është e pasur me vitamin A, E, K dhe B, me fibër, antioksidantë dhe flavonoidë që garantojnë një shëndet të mirë.
Megjithatë që të përfitoni këto vlera mos harroni që manaferrat duhet të konsumohen në gjendjen e tyre natyrale ndonëse edhe ngrirja i ruan vlerat.
Manaferrat janë të pasura me bioflavonoidë dhe vitaminë C . Një filxhan me manaferra përmban 62 kalori.
Manaferrat na ndihmojnë edhe në ruajtjen e një paraqitje më të re të lëkurës.
Konsumimi për një kohë të gjatë i manaferrave e mban trurin në formë e rrjedhimisht ne jemi të qartë në mendime dhe kemi një kujtesë të mirë.
Manaferra ndihmon në zvogëlimin e inflamacionit intestinal dhe çliron nga hemorroidet.
Gjethet e bimës së manaferrës
Edhe gjethet e manaferrave kanë gjetur përdorim të gjerë për të trajtuar inflamacionin në mishrat e dhëmbëve por edhe fytin e lënduar.
Tanina të cilën e përmendëm më lart, që gjendet edhe tek gjethet është mjaft efektive për higjienën orale.
Gjethet mund të bëhen çaj si çajrat e tjerë bimorë.
Shijen e gjetheve mund të mos e pëlqejnë të gjithë sepse është pak e hidhur ndaj mund të shtoni mjaltë ose ëmbëlsues të tjerë.