Përbërësit:
10 kërpudha të mëdha
3 lugë të mëdha gjalp
2 lugë të vogla hudhër e grirë imët
200 gr spinaq i grirë
5 lugë të mëdha ajkë
5 lugë të mëdha djathë parmezan
Përgatitja:
Pastroni kërpudhat nga brendësia me ndihmën e një luge dhe thike. Shkrini një lugë të madhe gjalp, dhe lyeni kërpudhat brenda dhe jashtë. Lërini mënjanë.
Brendësinë e kërpudhave, copëtojeni imët dhe fërgojeni në temperaturë mesatare me 2 lugë gjalp, pastaj shtoni edhe hudhrën e grirë dhe fërgojini edhe për 3 min.
Shtoni spinaqin e grirë. Pasi të fërgohen bashkë me spinaqin për 5 min, largojini nga nxehtësia dhe shtoni ajkën.
Paraprakisht nxehni furrën. Kërpudhat i mbushni me mbushjen me spinaq, shtoni përmbi parmezan dhe futini në furrë me nxehtësi mesatare për 10-12 minuta.